30
январь
2023
Көркем еңбек сабағын қызықты және ерекше өткізу
Көркем еңбек сабағын қызықты және ерекше өткізу мақсатында 2 сынып оқушылары мен ата аналары кейбір сабақтарды бірігіп өткізеді. Бұл біржағынан бала мен ата аналар арасындағы байланысты нығайта түседі. Балаға ерекше шабыт береді. Ата ана үшін де сергіп бір серпіліп қалады. Бала күндері еске түсіп, бала күніндегі кездегі қызықтарын баласына айта отырып, екеулеп берілген тапсырманы қалай тез орындағандарында сезбей қалады. Осы орайда бала да қолымнан келмейді деген істі ата анасымен бірігіп тез шешуге болатынын, оларға қымбат екенін, ол үшін ата анасы уақыт бөле алатынын түсінеді. Сондай сабақтың бірі әкелермен өткізілді. Негізі баланың мектептегі ісіне әкелер көп араласа қоймайды. Дегенменде әкелер шабыттанып балаларымен бірге мәз болысып, мақсатқа жетті. Және сабақтың өтілуінің жаңа дағдыларын, жаңа әдіс тәсілдерді көрді. Әкенің балаға деген, баланың әкеге деген мейірімінің қандай болатынын сол сәтте көздерінен көргенді айтып жеткізу мүмкін емес. Бұл бір тамаша сәт, тамаша көрініс, тамаша нәтижелі жұмыс болды. Әкелеріміз аман болсын.