«Екі жұлдыз» біздің мектепте
Лепсі ауылдық округінде № 54 орта мектебінде шуақты көктем күндерінде «Екі жұлдыз» байқауы өткізілді. Бұл байқаудың мақсаты мектеп оқушыларын жан-жақты мәдениеттілікке сай болуын және де шығармашылық өнерлерін ары қарай дамытуға үлесімізді қосу. 5 кезеңнен тұратын байқауға 7-11 сынып оқушылары қатысты. Әділқазы алқасы тағайындалып, әділ бағаларын берді. Мамыраемова Ақжүніс пен Қапас Ерасыл сүйкімділігімен көрермендердің ықыласына бөленді. Батылдықтарымен ержүректіліктерімен көзге түсіп, көрермендердің ыстық ықыласына бөленген Аманбек Қуаныш пен Сатыбек Манат. Қатысушы жұптарымыздың барлығы дерлік өнерлерімен көрермендерді тамсандырды. Әділқазы алқасына шешім шығару оңайға түспеді.
«Екі жұлдыз» байқауымызда топ жарып шыққан жұлдыздарымыз өздерінің жүйріктілігімен оза шыққан ІІІ орын иегерлері – Баяхметова Арай мен Иранов Асхат танылды.
Шеберліктерімен және жарасымдылығымен ІІ орын иеленген – Ашимова Айым мен Сарыбай Диас.
Шығармашылық өнермен, жұптардың үйлесімдігіне және де білімділігімен алға суырылып шыққан Мамыраемова Ақбопе мен Кушербаев Қуаныш І орынды иеленді.
«Екі жұлдыз» байқауынды көрермендердің көзайымына айналған, өз өнерлерін бар ынта-жігерлерімен ортаға салып, барлық жұптардың орталарында жарық жұлдыз, яғни № 54 орта мектебінің «Екі жұлдыз» байқауының бас жүлде иегерлері атанған – Мади Мадияр мен Болсамбек Арайлым. Жастарымызды мәдениеттіліке тәрбиелеу мақсатында өнерлерін ары қарай дамыту мақсатын осындай іс-шаралар мектебімізде жиі өткізіліп тұрады.